عشت بتخدع قلبى سنين وجاى دلوقتى تقولى انا مين ولا عامل للحب حساب
بعد ماعشت العمر معاك واهم نفسى بعشق ملاك تطلع فى الاخر كداب
بعد ما عشت العمر دا كله قلبى بيرضى بفرحه وزله يطلع حبك وهم سراب
ليه بتوعد قلبى من الاول ان طريق حبنا هيطول ليه بتبيع كل الاحباب
ليه بتفرش سكتى بورود وبتوعدنى كتير بوعود لحد ما قلبى فى حبك داب
ليه بتخلى دموعى فى عينى نازلة بتلعن كل سنينى اللى معاك عشتها فى عذاب
كنت مفكر انك ضلى اخر شىء فى الدنيا فضلى لكن قمرى فى ليلك غاب
كنت بكمل بيك مشوارى طلعت جنة حبك نارى وقلبى وعينى معاك اغراب
كنت بتزرع فيا جراحى كنت بتكسر فيا جناحى كنت بتقسى بدون اسباب
قلبى خلاص هيودع قلبك كاره غشك كاره كدبك قلبى خلاص عن حبك تاب
قلبى خلاص من بعدك قادر ينسى غرامه لخاين غادر املى فى حب انهد وخاب
سابنى الجرح وسايب دمعى دمع الجرح بيطفى فى شمعى وقلبى بسهم الغدر انصاب
سبنى فى حالى الله يخليك بكره الذنب يبكى عنيك دا انتا فى عينى خلاص كداب
موضوع: كداب 
26/8/2011, 1:09 am