الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 شاورمه الفراخ الوهميه اللى حتخلى محلات الشاورما تجيب ضلفها بالصور الكتييير

اذهب الى الأسفل 
كاتب الموضوعرسالة
moataz
I loVe yOu ♥
avatar

البلد : مصر
عدد المساهمات : 451
تاريخ التسجيل : 20/08/2011
العمل/الترفيه : طالب

مُساهمةموضوع: شاورمه الفراخ الوهميه اللى حتخلى محلات الشاورما تجيب ضلفها بالصور الكتييير   3/2/2012, 9:56 am

السلام عليكم ورحمه الله وبركاته

ده اول مره انزل وصفه فى منتدى الطبخ هنا بس استقذتنى من كتر جمالها

وبجد جربيها وانتى حتدعيلى وحتبطلى تشترى اى شاورما من بره

مش حتكلم كتير والصور اللى حتتكلم عن نفسها وعلى فكره تنفع دايت لانها معليهاش اى ماده دهنيه ولازيت ولا زبده

المقادير ودى تكفى خمس اشخاص

نص كيلوا صدور فراخ مخليه

ملح فلفل كمون توم كركم زعتر قرفه زبادى ليمون معلقتين صلصه

فلفل الوان اخضر واصفر واحمر لو مفيش كفايه الاخضر بصل بقدونس

الطريقه

نعمل للفراخ صدمه حتقولولى ازاااااااااااااااااى

تجيبى طاسه وتسخنيها كويس من غير لا زيت ولا اى حاجه وتحطى شرايح الفراخ ثوانى وتقلبيها على الوشين بس لونها يبيض وحوريكى الصوره

تبقى كده





عملتى الصدمه تعالى بقى وقطعى الفراخ شرايح بالطول رفيعه زى بتاعه الشاورما

كده





بعد ما تقطعيها كلها حطيها فى طبق غويط وحطى عليها التوم والتوابل دى

ملح فلفل كركم كمون زبادى زعتر ليمون والصلصه وقلبيها كويس وغطيها وسبيها اطول فتره ممكنه اقل حاجه ساعه

زى كده



بعد كده سخنى طاسه كبيره وحطى فيها الفراخ بالتتبيله على النار من غير اى اضافات وسبيها تنزل ميتها وتستوى فى عرقها

خالص لحد ما تنشف الميه وميبقاش فيها ريحه الميه نوهائى ولو طابت الفراخ ولسه فه ميه انقليها طاسه تانيه لازم ميبقاش فيه ميه

وده اللى بينجح الشاورما

تبقى كده





شيفين الفراخ نشفه ازاى ومفيهاش نقطه ميه

نكون بقى فى الوقت ده قطعنا بصل جوانح وفلفل الوان جوانح شرايح يعنى

زى كده





وننزل بيهم على الفراخ

زى كده





قلبيها على الفراخ

تاخد وتدى اقل من خمس دقايق لحد ما الخضار والبصل يدبلوا بس مش اكتر من كده عشان يقرمشوا فى الاكل زى الشاورما بتاعه المحلات

والنتيجه احلى شاورمه فراخ





طبعا مسكتش على كده بعمل عيش فينوا واعمل منها اجمل والذ سندوتشات شاورما

كمان بعمل منها معجنات مع عجينه العشر دقايق وبتبقى وهميه اخر حاجه

وكمان عملت منها فطير حادق رائع وحوريلكم الصور والطريقه المشاركه الجايه

بس عايزهردود وتقييم لانى تعبت فى الموضوع ده وكنت مستعجله جدا والله بس

لانى ملقتش شاورما بالطريقه دى والجمال ده قبل كده على المنتدى خالص



ــــــــــــــــــــــــــــــــــــــــــــــــــــــــــــــــــــــــ التوقيـــــــــــــــــع ــــــــــــــــــــــــــــــــــــــــــــــــــــــــــــــــــــــ



egyup.hooxs اقلام لا تتوقف عن الابداع

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://egyup.hooxs.com
 
شاورمه الفراخ الوهميه اللى حتخلى محلات الشاورما تجيب ضلفها بالصور الكتييير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
egyup.hooxs :: القسم العام :: قسم المطبخ والمأكولات-
انتقل الى: